/_nw/0/81182216.jpg 2004 онд Порту клубын хамтаар Аваргуудын Лигийн аврага хэмээх эрхэм хүндтэй цолыг хүртэж байсан Португал мэргэжилтэн Жозе Моуриньо энэ удаад өөрийн биш Нэрраццурри буюу Интерчүүдийн мөрөөдлийг биелүүлж 1965 оноос хойш бараа нь харагдаагүй цомыг тэдэнд дахин бэлэглэлээ. Ингэснээр Интер улирлыг 3 цомтой үдэж, дасгалжуулагч Моуриньо 2 өөр клубт 2 удаа Аваргуудын Лигийн аврага болсон гэх Австрийн домог Эрнст Хаппел болон одоогоор Байерн Мюнхений бүх цаг үеийн хамгийн шилдэг дасгалжуулагчаар тодроод буй Отмар Хитцфелд нарын гайхалтай амжилтыг давтлаа. Түүхэндээ анх удаа Бямба гарагт болсон уг шигшээ тоглолтод орсон 2 гоолын эзэн нь мэдээж Диего Милито байсан бөгөөд тэрээр Европын тавцанд 5 гоолтой улирлаа өндөрлөж байна. Реалын Галактико 2-ийн цомхотголд орсон Арен Роббэн болон Уэсли Шнайдэр мөн Аргентиний шигшээгийн тамирчид болох Диего Милито болон Мартин Дэмикэлис нар нь шигшээ тоглолтын онцлох өрсөлдөөнүүдийн эзэд нь байсан нь сонирхолтой. Хамгийн нэр хүндтэй тус тоглолтыг одоо цагийн хамгийн шилдэг Ховард Вэбийн ахалсан баг шүүсэн билээ.

Цагтаа Луй ван Гаалийн туслахын ажлыг хийж явсан Португал мэнэжер гарааны бүрэлдхүүнээ урд урдны адил 4-3-3 хувилбарын хүрээнд зарласан юм. Каталоны нийслэлд хийсэн өмнөх тоглолтод Серхио Бускэтсийн чадварлаг жүжиглэлтийн ачаар шигшээ тоглолтыг өнжих болсон Тиаго Моттагийн орны хүн хэн байх бол гэсэн таавар гарааны бүрэлдхүүн зарлагдах хүртэл үзэгчид болон мэргэжилтнүүдийн дунд байсан. Хуучин Портсмутын цэрэг Салли Мунтари болон авъяслаг залуу Марио Балотелли нар нь түүний оронд тоглох хамгийн өндөр магадлалтай тоглогчдоор зүй ёсоор нэрлэгдэж байсан ч үнэн хэрэгтээ тийм байгаагүй. Моуринъо довтолгооны фронтоо эрэлхэг Македон Горан Пандев, Самуэль Это болон Диего Милито нараар бүрдүүлсэн бол тэднийг дэмжүүлхээр Уэсли Шнайдерийг довтлох чиглэлийн хагас хамгаалагчаар дундын шугаманд томилсон. Харин хамгаалалтын шугамыг Майкон, Кристиан Киву, Лусио болон Уалтэр Самуэль нар хариуцах болсон бөгөөд тэдэнд дэм болхоор дундын шугамын өөр 2 тоглогч болох Эстэбан Камбиассо болон Хавиер Заннети гэх Аргентин шугам ажилласан. Жигүүрийн хамгаалагчид болох Майкон болон Киву нар нь довтолгооны үед довтлогчдыг хүчтэй дэмжиж хамгаалах үед буцах зориулалттай байсан. Энэ бүхнээс хархад довтолгоо болон хамгаалалтд түргэн шилжиж болохуйц уян хатан гарааны бүрэлдхүүнийг мэнэжер зарлажээ. Тэдний гол сэлгээнүүд бол мэдээж дээр дурдсан Баллотелли болон Мунтари нар байхаас гадна Дэяан Станкович байсан юм.

Хамгийн сүүлд 1995 онд Яри Литман, Патрик Клюверт, Франк Райкаард, Кларэнс Сидорф, Эдгэр Дэвидс болон Эдвин ван дэр Сар нараас бүрдсэн хүчирхэг Аяксыг дасгалжуулж Аваргуудын Лигийн цомыг хүртэж байсан Луй ван Гааль өөрийн дуртай 4-2-2 хувилбарыг сонгож тоглогчдоо өрсөн. Хамгаалалт гэхээсээ илүүтэй довтолгоог урьтал болгодог түүний хувьд урд урдны тоглолтын хэв маягаа төдийлөн эвдээгүй. Лионы Лисандро дээр алдаа гарган “донгодуулсан” Фрэнк Рибэри мөн эрүүл мэндийн хувьд асуудалд орсон Хорват “цэвэрлэгч” Даниель Праничийг эс тооцвол Байерний хувьд бүх зүйл хэвийн байсан. Рибэригийн оронд Германжсан Түрк Хамит Алтинтопыг сонгон түүний хамтаар Бастиан Швайнштайгэр, Марк ван Боммэл болон Арен Роббэн нарыг дундын шугамд Гааль томилжээ. Тэдний урд шигшээ тоглолтуудад “галзуурч” байсан Ивица Олич болон Томас Мюллер нар Жулио Цэзарыг бөмбөгдөх болсон бол ард нь Олгер Бадштүбэр, Даниель ван Бюйтэн, Мартин Дэмикэлис болон ахлагч Филип Лам нар хамгаалалтанд зогсох болсон. Төвийн хамгаалалтад ихэвчлэн тоглодог Бадштүбэр зүүн жигүүрт гарснаас хархад Байерний довтолгоо баруун жигүүрээр Роббэн болон Ламын оролцоотой түлхүү явагдах болсон нь ажиглагдсан юм. Интерийнхтэй харьцуулхад боломжын гэмээр сэлгээ тэдэнд байсныг Анатолы Тимощук, Мирослав Клозе, Марио Гомез болон Даниель Пранич нар гэрчилнэ.

Тоглолтын эхний үед хоёр багууд энэ тэнцүү довтолж байсан нь 3 дахь минутад явсан Пандев болон Шнайдэр нарын довтолгоо мөн 9 дэх минутад Роббэний дамжуулалтаар гүйцэтгэсэн Оличийн цохилтоос илхнээ харагдна. Үүнтэй зэрэгцэн Моуринъогийн хамгаалах тактик аль хэдийн ажиллаж эхэлсэн байсан. 14 дэх минутад 16-ын шугамд орж ирсэн Роббэний дамжуулалтад хамгаалагч Майкон гар хүрсэн боловч шүүгч шүглээ үлээгээгүй юм. Магадгүй энэ нь тоглолтын хувь заяаг тэс өөр тийш хөтөлж болох байсныг үгүйсгэхгүй. Байерний довтолгоо боломжын явагдаж байсны дотор 21 дэх минут дахь Мюллерийн дамжуулалтаар гүйцэтгэгдсэн Роббэний хаалгаа оноогүй цохилтийг онцлууштай. Энэ үед Байерний ихэнх довтолгоо нь баруун жигүүрээр тэр дундаа Роббэноор дамжиж байлаа. Энэ бүхнээс ердөө 3 минутын дараа тоглолтын анхны шар хуудсыг Дэмикэлис хүртсэн. 32 дахь минутад гүйцэтгэсэн Мюллерийн цохилтоос хойш унтаа тоглолт эцэс болсон бөгөөд Интер ч хэд хэдэн аюул тарьж болхуйц довтолгоог гүйцэтгээд авсан. Интерийн хувьд хамгаалалтдаа амжилттай байсан төдийгүй урд талдаа ч аюултай байгаагаа нотлон Милито Шнайдерийн дамжуулалтаар өөрийн ур чадварыг харуулан гоолдсон нь тоглолтын хэмнэлийг өөрчилсөн юм. Энэ бүхний дараа буюу тоглолтын 42 дахь минутад гоолын эзэн Милитогийн дамжуулалтыг Шнайдэр чулуу болгож чадалгүй тоглолтын тооны харьцааг 2-0 болгох гайхалтай боломжоо алдсан. Эхний үед Байерний зүгээс Мюллер, Роббэн болон Алтинтоп нараас ирсэн цохилуудаас өөр онц зүйл байгаагүй.

Тоглолтын завсарлагаар багууд ямар нэгэн сэлгээ хийгээгүй. Тоглолт эхлэхтэй зэрэгцэн Баварчуудын гунигийг үргээх мэт болсон Мюллерийн цохилтийг Цэзарын ур чадвар аюулгүй болгосон. Үүнийг Интер зүгээр хараад суугаагүй бөгөөд 47 дахь минутад Милитогийн гаргасан гайхалтай боломжыг Пандев ашиглаж чадаагүй юм. Өнгөрсөн бүхнээс хархад ван Бюйтэн болон Дэмикэлис нар хэд хэдэн ноцтой алдаа гаргасан гэвч аз болход нэг нь л гоол болсон. Германы пасспорттой Польш эр Мирослав Клозе 65 дахь минутад Алтинтопоор талбайд орж ирснээр Байрн довтолгоондоо илүү анхаарал хандуулж эхэлсэн гэхэд болно. Ингэснээр Интерийн задрашгүй хамгаалалтын эсрэг 3 довтлогч тоглох болсон юм. Ерөнхийдөө тэдний хамгийн амжилттай ажиллаж байсан хэсэг нь Лам болон Роббэний байрласан баруун жигүүр байсан гэхэд хэлсдэхгүй. 67 дахь минутад Интерийн анхны сэлгээ ухаалаг Серби Станковичоор хийгдсэн нь асуудал үүсэх хамгийн өндөр магадлалтай зүүн жигүүрийн хамгаалалттаа авсан анхны арга хэмжээ байсан. Өөрөөр хэлбэл Занэттиг зүүн жигүүрийн хамгаалалтдаа шилжүүлж Роббэн болон Ламын эсрэг тавьсан гэсэн үг юм. 69 дэх минутад Милито үлэмж биет ван Бюйтэнийг “өлхөн” хууран гоолдсноор 11 тоглолтод нийт 5 гоол оруулсан. Луй ван Гааль үр өгөөжөө төдийлөн өгөхгүй байгаа Клозе тэргүүтэй довтолгооны хэсэгтээ дахин нэг арга хэмжээ авсан нь 72 дахь минутын Марио Гомезийн сэлгээнээс харагдна. Ингэснээр Байерний Герман шугам довтолгооны шугам ажиллаж эхэлсэн боловч энэ хол яваагүй. Энэ бүхэнтэй зэрэгцэн Моуринъогийн тактикийн сэлгээнүүд эхэлсэн бөгөөд тэрээр тоглолтын баатар Милитог Матераццигаар харин Пандевийг Мунтари нараар тус тус сольсон. Ийнхүү Английн алдарт шүүгч Ховард Вэб шүгэл үлээснээр Интернационал клуб 2009-2010 оны Аваргуудын Лигийн аврага болсон юм.